ئازاد جۆڵا

هەر لەدوای سوێند خواردنی یاسایی و هاتنە سەرکاری مستەفا کازمی کۆمەڵێک بڕیاری گرینگ و پێویستی دەرکرد کەوا تاوەکو ئێستاش بەردەوامە و هەفتانە کۆبونەوەی ئەنجومەنی وەزیران ئەنجام دەدات و بڕیاری تازە و پێویست دەردەکات و چاودێری و بەدواداچوون بۆ بڕیارەکانی پێشووی دەکات ،
گرینگە دەسەڵات بەتایبەت کەسی یەکەم پابەندی بەڵێن و بڕیارەکان بێت و بەدواداچوون بکاتەوە لە بڕیارەکانی پێشوتری ، هەر ئەمەش دەبێتە بەردی بناغەی جێبەجێکردنی بڕیارەکان و سەرکەوتنی پلانەکان و بەدەست هێنانی متمانەی خەڵک و گۆڕانکاری ڕاستەقینە ،
گرینگی بڕیارەکانی کازمی و جیاوازی لەگەڵ ئەوانەی پێش خۆی لەوەدا خۆی دەبینێتەوە کەوا ئەو دەستی بردووە بۆ هەندێک بابەت و مەلەف ڕەنگە بەلای هەندێک کەس و لایەن و گرووپ و تەنانەت وڵاتانیش هێڵی سووربێ و لە کابینەکانی پێشوو نەیان توانیوە یان نەیان ویستووە یان ئازایەتی ئەم جۆرە بڕیارانەیان نەبووە ، کەواتە ئێستا بەکردار کازمی هەڵگری بەردە گەورەکە دەبێندرێ ،
ئێستا دەتوانین بڵێین کازمی لەشەڕێکی نیمچە ڕاگەیەندراو دایە لەگەڵ کۆمەڵێک لە گروپی میلیشیا و لایەنی سیاسی و کەسایەتی دیاری عێراق و تا ئێستێکیش ئێران ،
ئەگەر سەیری ئێستای دۆخی عێراق بکەین بە بەراورد بە ساڵێک پێش ئێستا گۆڕانێکی گەورەو بەرچاو بەدی دەکرێ لە شەقامی عێراقی و هەژموونی وڵاتانی ناوچەکەو هەنگاونان بەرەو چاکسازی و خۆڕێکخستنەوە بەهێزبونەوەی عێڕاق و بڕینی دەستی گەندەڵکاران و گەڕانەوەی داهات و موڵکی گشتی بۆ دەوڵەت و داڕشتنەوەی سەرلەنوێی بەرنامەو ستراتیژی سیاسی و دیبلۆماسی عێراق لە سەر بنەمای گەڕانەوەی شکۆمەندی و سیادەی عێراق لەگەڵ وڵاتانی ناوچەکەو جیهان ،
بێ گومان هەموو ئەم گۆڕانکاری و دەستبردن بۆ هێڵە سوورەکان بێ گرفت و کێشەو هەڕەشەو ئاژاوە نابێت ، بەڵام کۆڵنەدان و سووربونی کازمی لەسەر بەرنامەکەی و بەڵێنەکانی و خواستی شەقام دڵنیایی سەرکەوتن مسۆگەرتر دەکات ،
ڕەنگە پرسیاری ئەوە بکرێ و بگوترێ کازمی چۆن و بەکام هێز و بەپشتیوانی کوێ دەتوانێ ئەم هەنگاوانە بنێ و ڕووبەڕووی ئەم هەموو ئاڵنکاری و هەڕەشە جۆراو جۆری میلشیا و ئێران و هەندێک لایەنی سیاسیش بێتەوە ؟
ئەمە پرسیارێکی ڕەوایە ، بەڵام ئەوەی ڕاستیەو پێویستە بگوترێ ئەوەیە کەوا کازمی بە پشتیوانی ئەمریکا و هەندێک لایەنی سیاسی و لە هەمووشیان گرینگتر بە پشتیوانی شەقامی عێراقی کەوا دڵخۆش و بەئومێدن بەکارەکانی کازمی ئەم کارانە ئەنجام دەدات ،
دەبێ ئەم ڕاستیە بگوترێ کەوا ئەمەریکا بۆ دوو بابەتی سەرەکی پشتیوانی لە کازمی دەکات کەوا لەماوەی حوکمی خۆی پێویستە و دەبێ بەجێیان بکات ئەوانیش ،
یەکەم / داماڵینی چەک لە دەستی میلیشاکان و ڕێکخستنەوەو بەهێزکردنەوەی سوپای عێراق و کەمکردنەوە و یان بڕینی دەستێوەردانی وڵاتانی هەرێمی لە عێراق و تا ئاستێکی باش بنەبڕکردنی گەندەڵی و گەڕانەوەی داهات لە تەوای عێراق بۆ دەوڵەت و زیادکردنی داهات و کەکردنەوەی خەرجیەکان ،بێگومان ئەم هەنگاوانەش بەشێکیان هەرێمی کوردستانیش دەگرێتەوە ،
دووەم / کارکردن بۆ هەڵبژاردنێکی پێشوەختەی پاک و بێگەرد دوای هەمووارکردنەوەی یاسای هەڵبژاردنەکان و میکایزمی ئەنجامدانی ،
بێ گومان ئەم دوو ەرکە سەرەکیە بێ کێشەو گرفت نابێ و بۆ خاڵی یەکەم لە ئێستاوە ڕێگریەکان و ناکۆکی و هەڕەشەو ناڕەزەییەکان دەرکەوتوون و دیارن ،
بۆ خاڵی دووەمیش بەبڕوای من هەڵبژاردنی پێشوەختە ڕەنگە ئەنجام نەدرێ بەڵام کار دەکرێ بۆ هەڵبژارنێکی پاکتر و باشتر لە ڕابردوو ، ڕەنگە ئەنجام نەدانی هەڵبژاردنی پێشوەختەش بەشێکی پەیوەست بێ بە خۆقایمکردی زیاتری کازمی و کۆکرنەوەو خۆ ئامادەکرن بۆ پێکهێنانی کوتلەیەکی پەرلەمانی لە ئێستای ئەنجومەنی نوێنەراندا کەوا ژمارەیەکی باش لە ئەندامانی ئەنجومەنی نوێنەران لە شیعەو سوننە ئێستا پشتیوانی کزمی دەکەن و لە هەوڵی کۆکردنەوەی زیاترن و دیارە ئەمەش بێ پشتیوانی ئەمەریکا نەهاتۆتە بەرهەم ، تا ئێستا نەزانراوە هیچ ئەندامێکی کورد لە ئەنجومەنی نوێنەران چوبێتە ناو ئەم کتلە ڕانەگەینراوە ،
بێ گومان دروستکردنی ئەم کتلەو وەک خۆ ئامادەکردن دەبینرێ بۆ کاتی هەڵبژاردنەکان کەوا کازمی وەک لیستێکی بەهێز بەشداری هەڵبژاردنەکان بکات ….


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format