1

به‌كر ده‌روێش

لەمانادا بۆ بێمانایی مەگەڕێ، لەبێمانایدا هەموو ماناکان دەدۆزیتەوە.

ڕەنگە ئەم ڕستەیە بشێویەک لەهزرتدا بخوڵقێنێ، وات لێبکات  نەتوانی ماناکان بگەڕێنیتەوە سەر ڕێچکەی خۆیان، بۆیە ناچار دەبێ ئۆڤەرێک لەبێمانایی بخوازی، تابتوانی مانایایەک  بۆ بێمانایی بدۆزیتەوە.

ئەم هاوکێشەیە نەختێ تێگەیشتنی گرانە بۆ پرسیارێک  کەبەردەوام خۆی نوێ بکاتەوە، لەگەڵ هەر نوێبوونەوەیەکیشیدا کۆمەڵێ گۆڕانکاری دوورو نزیک بێنێتە ئاراوە کەپێویست بەهەڵوێستی جدی بکات،  ئەم تێڕوانیینە دەمانباتەوە بۆ سەردەمی جیابوونەوەی خودی ماناکان لەیەکتر، کاتێک ڕووداوێک بەشێنەیی چەکەرە دەکات، تۆناچار دەبی پەنجە بخەیتە سەر خاڵەکان و  ئاڕاستەی بۆچونەکانی خۆشت بگۆڕی، بەشێوەیەک کەهیچ کاتێک بەو شێوەیە نەتگۆڕیبێت.  لەم ململانێیەدا دەبێ زۆر بەوریایەوە مامەڵە لەگەڵ تەواوی پرسیارەکاندا بکەی، بەمەرجێ هیچ شتێک نەتوانێ  لەئایندەدا هەڵوێستت پێ بگۆڕێ، خۆشت ناچار نەبی لەتاوی ئازاری بێ مانایدا مانایەکی قەڵپ بۆ ڕووداوەکان دانێی، بەم شێوەیە لەبوارێکەوە بازدەی بۆ بوارێکیتر بێ ئەوەی بتوانی لەسەر زەوییەکی ڕەقی پڕ لەهەڵویست بووەستی. ئێستا پرسیاری جددی ئەوەیە کێ ماناکان دادەنێ؟ کێ دەڵێ ئەم مانایە ڕاستەو ئەوەیان ڕاست نیە؟ لەکاتێکدا هەموو شتێک ڕێژەییەو ڕەهابوون بوونی نییە، ئەم گینگڵدانە لەناو بازنەی بوون و نەبووندا یەک ناگرێتەوە،بۆیە بەردەوام خاڵە گەورەکان گەورەترو بچوکەکان بچوکتر دەبنەوە، ئەستەمە لەوەها کاتێکدا گەشەکردنی کومەڵایەتی بتوانێ تەواوی خاڵە کۆک و ناکۆکەکان دەسنیشان کات، ئەگەر هاتوو خوودی مرۆڤ بەشێک بوو لەهاوکێشەکە، ئەم بازنە داخراوە، ناتوانێ وڵامی تەواوی پێ بێت بۆ  ئەو پرسیارانەی کەخوودی خۆی دەیخوڵقێنێ، لێرەوە جارێکیتر باسی ماناو بێمانایی چڕدەبێتەوە، بەم شێوەیەش هەموو پرسیارەکان پەلکێشی ناو بازنە کۆمەڵایەتییەکان دەکرێن، ئەوکات هەرکەسەو بەپێی توانای خۆی مانایان بۆ دادەنێت. 

زانایەک دەڵێت (جارێکیان بەهەڵکەوت بڕیارمدا یەکێک لەهاوکێشەکان شیکەمەو بیخەمە سەر  ڕەخنەکانی هزر، ئەوە بوو  تا ئاستی فەنابوون لەگەڵیدا ڕۆیشتم، بەڵام نەمتوانی بگەم بەکۆتایی و مانایەکی  تەواوی بۆ دانێم، بەڵام  لەبێمانایدا توانیم مانایەک بدۆزمەوە کەپڕ پێستی بێت، کەچی   وەک وەرگێڕانێکی ناتەواو هاتە پێش چاو  نەبووە جێگای بایەخ و سەرنجی  زانایانی سەردەم ناچار لەکۆتادا نووسیم لەمانادا بۆ بێمانایی مەگەڕێ، لەبێمانایدا هەموو ماناکان دەدۆزیتەوە  ).


Like it? Share with your friends!

1

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format