3
3 shares, 3 points

قۆپیه‌ 

له‌تیف فاتیح فه‌ره‌ج 

كچه‌كه‌ له‌ پۆلی دووی ناوه‌ندیه‌وه‌ به‌ قۆپیه‌ ده‌رچووه‌ ، ئه‌و راستیه‌كی دركاند كه‌م كه‌س بوێری ئه‌وه‌یان هه‌یه‌ بیدركێنن ، كه‌ راستی وتوه‌ ناكرێ‌ چاوپۆشی له‌ كاره‌ دزێوه‌كه‌ی بكرێت ، به‌ڵام خۆ هه‌ر ئه‌و ئه‌وه‌ی نه‌كردووه‌، له‌ ساڵی 1991ه‌وه‌ له‌ كوردستان قۆپیه‌و ساخته‌و بڕوانامه‌ی درۆزنانه‌ له‌ بره‌ودایه‌ ، بڕۆ به‌ بێلایه‌نی جارێكی تر هه‌زاران به‌كالۆریۆس و ماسته‌رو دكتۆرا بخه‌ره‌وه‌به‌رده‌م تاقیكردنه‌وه‌ بزانه‌ چه‌ندیان ده‌رده‌چن ، ئێوه‌ هه‌ر باسی قۆپیه‌ ده‌كه‌ن ، به‌ڵام ئاگاتان له‌ هه‌زاران بڕوانامه‌ی ساخته‌ نیه‌ كه‌ له‌ 2003دروستكرا ، ئه‌م به‌نده‌ی خوایه‌ كه‌ به‌ هۆی راپه‌ڕینه‌وه‌ شه‌شی وێژه‌یم ته‌واو نه‌كرد ، ئاماده‌ بوون له‌ نرخی جوتێ‌ كڵاشی هه‌ورامی بڕوانامه‌م بۆ بكه‌ن و ره‌نگه‌ ئێستا مامۆستای زانكۆ بام نه‌مكرد ، به‌ڵام هی تر كردیان .

له‌ هه‌ر جێیه‌كی ئه‌م سه‌رزه‌مینه‌ ئاكار نه‌ما ، ئیتر هیچ نیه‌ بۆ وتن ، ئێمه‌ ئاكاری سیاسی ، كۆمه‌ڵایه‌تی ، ئاینی،خۆشه‌ویستی، ته‌نانه‌ت بازاڕو مامه‌ڵه‌مان لاوازو وێران بووه‌، ئه‌وه‌ بۆیه‌ هیچ شتێك رامانناچڵه‌كێنێ‌، ئێمه‌ له‌ 1991ه‌وه‌ له‌ بری دروستكردنه‌وه‌ی مرۆڤی كورد ، له‌ بری بنیادنانی مرۆڤی خۆخاوه‌ن خه‌ریكی تێكشكاندنی ئه‌وانه‌شین كه‌ به‌عس نه‌یشكاندن ، ئه‌وه‌ی له‌و هه‌موو ساڵه‌دا به‌ كوردی باشور كراوه‌ ، ئه‌نفالی جه‌سته‌ نا ئه‌نفالی ئاوه‌زو بیرو باوه‌ڕو خۆخاوه‌نی بووه‌ ، سه‌یركه‌ له‌ چ دۆزه‌خێكی وێرانداین .

كچه‌كه‌ وتی قۆپیه‌م كرد ، به‌ڵام كابرا خیانه‌ت ده‌كات به‌ نیشتمان په‌روه‌ری به‌ خه‌ڵكی ده‌فرۆشێ‌ ، ده‌ستی دوژمن ده‌گرێت بۆ نێو حه‌وشه‌و حه‌ساره‌كه‌و پێی ده‌ڵێ‌ هه‌رچیت گه‌ره‌ك بیبه‌ ، سامان و سه‌روه‌تی نیشتمان ده‌باته‌ ده‌ره‌وه‌و ده‌ستی به‌سه‌ردا ده‌گرێت ، كێی بوێ‌ یان ده‌یكوژێ‌ یان ده‌یگرێ‌ ، چۆنی بۆ بلوێ‌ سیناریۆ بۆ هاونیشتمانیه‌كانی دروست ده‌كات ، كه‌چی هه‌رگیز دان به‌ هیچ تاوانێكیشدا نانێت .

چه‌ند ساڵێك له‌مه‌وبه‌ر تاقیكردنه‌وه‌ی ده‌ره‌كی پۆلی شه‌شی وێژه‌ییم كرد دوو به‌رپرسی زه‌رد و سه‌وز له‌ هه‌مان هۆڵ بوون ، یه‌كێكیان هه‌موو وه‌ڵامه‌كانی بۆ ده‌هاته‌ ژوره‌وه‌و ، ئه‌وی تریش وا رێككه‌وتبوون به‌س وه‌ڵام بداته‌وه‌ هه‌رچۆن بێت ده‌رده‌چێت ، من ئاگاداربووم كه‌ چه‌ند كۆڵه‌وار بوون كه‌چی هه‌ردووكیان ده‌رچوون ، ئێستا به‌ شانازیه‌وه‌ باسی ئه‌و سه‌ركه‌وتنه‌ ده‌كه‌ن ، خۆ ره‌نگه‌ سبه‌ی بڕوانامه‌ی پارێزه‌رییش بخه‌نه‌ به‌ر باخه‌ڵیان .


Like it? Share with your friends!

3
3 shares, 3 points

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format