چەند دەیەیەكە توێژینەوە پزیشكییەكان بەردەوامن بۆ ئاشكراكردنی پەیوەندیی نێوان خەوتن و كۆئەندامی بەرگریی و پاراستنی یادگە.

بەم دواییەش چەند توێژینەوەیەك سەلماندوویانە كەمێك خەوتن لە نیوەڕواندا (سەرخەو شكاندن) كاریگەریی ئەرێنی هەیە لەسەر تەندروستی بە تایبەتی ژیریی مرۆڤ و یادگە بە چالاكیی دەهێڵێتەوە.

نوێترین توێژینەوەش كە لەو بارەیەوە كرابێت توێژینەوەیەكی زانایانی چینە كە لەسەر (2500) خۆبەخش كراوە كە تەمەنیان لە سەروو (60) ساڵەوەیە و ئەو زانایانە بۆیان دەركەوتووە ئەوانەی بەردەوام نیوەڕوان بۆ ماوەیەكی كەم خەوتوون، دۆخی ژیرییان زۆر باشە و یادەوەرییەكی زۆر بەهێزییان هەیە و توانای زمانەوانیان زۆر باشترە بە بەراوورد بەوانەی نەیانتوانیوە بخەون و یان خۆیان حەزیان لە خەوتنی نیوەڕوان نەبووە.

لە بەرامبەریشدا چەند توێژینەوەیەکی دیكە كراون كە رای جیاواز و دەرەنجامی جیاواز و پێچەوانەی لێكەوتۆتەوە بە شێوەیەك لەو توێژینەوانەدا ئاماژە بەوە دراوە کە سەرخەوشكاندن هیچ پەیوەندیی نییە بە باشبوونی توانای ژیریی بەتەمەنەكانەوە.

سەرەڕای ئەو راپۆرت و دەرەنجامە جیاوازانەش، پزیشكان و پسپۆڕانی تەندروستیی سەرنجیان لەسەر ئەوەیە كە پێویستە مرۆڤ بە باشیی و لەكاتی گونجاودا بخەوێت، چونكە هەندێك شێوازی خەوتن هەڕەشەی جدییە بۆ سەر ژیانی مرۆڤ و توانا ژیریی و مەعنەوییەكانی لەناو دەبات.

ئەمەش لە كاتێكدایە كە پشێوییەكانی خەوتن بووەتە مەترسیی گەورە بۆ ملیۆنان كەس لە سەرانسەری جیهان و بەو هۆیەشەوە هەندێك كەس تووشی چەندین نەخۆشیی درێژخایەن بوون.


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format