شەڕە كەو بووەتە خولیای سەدان كەس رۆژانە لە  ناوچە جیاوازەكانی هەرێمی كوردستان  ئەنجام دەدرێت  هەموو رۆژانێكی شەممە لە  كۆیە ش دەكرێت، بۆ بەرنگار بوونەوەی دیاردەی بەشەڕدانی ئاژەڵان، حکومەت هیچ یاساێکی نییە.

لە كۆیە لە نزیك پۆلیس و سەنتەری شار و شەقامێكی گشتی هەموو روژانێكی شەممە سەدان كەس لە گۆرەپانێكی گەورە كۆدەبنەوە  بۆ بەشەڕدانی كەو، كەزۆرجار كەوەكان تا لێواری مەرگ شەڕدەكەن  .

ئەو  هاوڵاتیانە جگە لەوەی ئازادی و مافی ژیانی سرووشتی لەو كەوانە دەسێننەوە ، بەشەڕیشیان دەدەن تا نزیك دەبنەوە لە مردن و ئەو هاوڵاتییانە  بێ بەزەییانە و بەخۆشحاڵیەوە سەیری شەڕی نێوان كەوەكان دەكەن .

عەبدوڵا ساڵح  کە تەمەنی حەفتا ساڵە وەک خۆی باسی دەکات نزیكەی پەنجا ساڵە خەریكی راوكردن و شەڕە كەوە ، ئەو دەڵێت ”كەوم خۆش دەوێت بەڵام  لە قەفەزی دەكەم چونكە  پەروەردەی كەو ئاوایە ، راستە  ئێمە  كەوەكان  بەشەڕ ئەدەین  ، بەڵام  ئەوە لە هەموو كوردستان دەكرێت ”.

بەشەڕدانی کەوەکان تەنها بۆ چێژوەرگرتن و سەرکەوتن و دۆڕانی کەوەکان نییە بەڵکوو وەکوو عەبدوڵا دەڵێت ” کاتێک کەوێک سەری خستە ناوقەفەز یان چووە سەری، ئەوە دۆڕاوە و ئەو کەوەی کە براوە بووە، نرخێکی باش دەکات کە تا سێ هەزار دۆلار دەفرۆشرێت”.

عەبدوڵا ساڵح

عەبدوڵا ساڵح

بەشەڕدانی ئاژەڵان بۆ چێژوەرگرتن و بەدەستهێنانی پارە، لەم گۆرەپانەدا بە ڕوونی نیشانی دەدات کە مرۆڤ چەندە بێویژدانانە مامەڵە لەگەڵ سرووشت و ئاژەڵاندا دەکات، باڵندەیەك كە هیچ زیان و خراپەیەكی بۆی نیە، بەڵام  بەم شێوەیە لە لایەن مرۆڤەوە ئازار دەدرێت .


لەسەر ئەم هەڵسوکەوتە نەشیاوەی لەگەڵ ئاژەڵاندا، قاسم ئەمین بەرپرسی  رێكخراوی ژینگە و ئاشتی  بۆ پاراستنی ژینگە لەمبارەیەوە وتی ”ئێمە لەرێگەی  سۆشیال میدیا و سمینارەوە هاوڵاتیان ئاگادار دەكەینەوە بۆ ئەوەی مافی باڵندە و ئاژەڵان بپارێزن ، بەڵام  هاوڵاتیان هاوكاری ئێمە ناكەن ، دیاردەی شەڕە كەو لە كۆیە بۆتە كلتور ،كە بەرپرسان زۆر كەمتەرخەمن لە پاراستنی ژینگە بەتایبەتی  ئاژەڵان”.

داواش لە پەرلەمانی كوردستان دەكات بۆ بەرنگار بوونەوەی ئەم دیاردانە یاسا دەربکات بۆ ئەوەی چیتركەس نەتوانێت بەو شێوازە زیان بگەێنێتە سرووشت و ژینگەی کوردستان.

ئەم ژینگە پارێزە ئاماژەش بەوە دەکات کە ئەوانەی شەڕە كەو دەكەن لە شێوەی باند خۆیان ڕێکخستووە، دەستڕۆشتوون و زۆر لە رێكخراوەكان بەهێزترن ، ئەمەش وای كردووە کە ڕێکخراوە ژینگەپارێزەکان نەتوانن بەرنگاریان ببنەوە.

قاسم ئەمین

قاسم ئەمین

نەبوونی ڕێنمایی و یاسای تایبەت بە پاراستنی ژینگە و ئاژەڵان و پشتیوانی حکومی  تەنها دەستی ڕێکخراوە ژینگەپارێزەکانی لەمپێناوەدا کورت نەکردووە بەڵکو پۆلیسی دارستانیش لەمبارەیەوە بێ دەسەڵاتانە مامەڵەدەکات.

لەسەر ئەمەش خسرۆ نجم الدین  بەرێوبەری پۆلیسی دارستان وژینگەی كۆیە بۆ رۆژنیوز وتی  ” ئێمە  ئەو شتانەی ژینگە  پیس دەكات  رێگری لێ دەكەین ، بەڵام  وەكو شەڕە سەگ وشەڕە كەو ئەوا هیچ رێنماییەك و یاسایەك نیە تا بتوانین رێگری لێ بكەین تەنها  كاتێك دەتوانین بەرنگاری ئەم دیاردانە ببینەوە کە ببنە هۆی بێزار كردنی خەڵك و  ژینگە پیس بكەن  ”.

 باسی لەوەش كرد كە ئەركی سەرەکی ئەوان وەکو پۆلیسی دارستان وژینگە، نەهێشتنی راوی نایاسای و داربڕین و هەڵكەندنی بیری نایاسایە و بەس.

خسرۆ نجم الدین عەبدولکەریم

خسرۆ نجم الدین عەبدولکەریم

تا ئێستا لە قەزای كۆیە نەتوانراوە رێگری لە دیاریدەی شەڕە كەو بكرێت کە هاوشێوەی ئەمەش شەڕە کەڵەشێر و شەڕە سەکیش لەوێ بڕەوی هەیە و تا ئێستاش، لایەنی ئیداری دەستەوسانە و رێكخراوەكانیش هیچ هەوڵێکی کاریگەریان لەمەڕ نەهێشتنی ئەم دیاردانە نەداوە.


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format