بەردی گورچیلە، یەكێكە لەو نەخۆشییانەی توشی گورچیلە دەبێت، ئەویش بەهۆی نەمانی باڵانس لە نێوان ئەو شتە زیان بەخشەی لە ڕێگەی گورچیلەوە دەردەچێت، هەروەها نەخۆشیەكی زۆر بڵاوە كە بەهۆی گۆڕینی شێوازی ژیان‌و نەجۆڵان‌و كەمی وەرزش كردنەوەیە، پزیشكێكی پسپۆریش لەو بارەیەوە دەڵێت" ئەوانەی سەردانی نۆرینگەكان دەكەن 50% پەیوەندی بە بەردی گورچیلەوە هەیە.

بەردی گورچیلە چۆن دروستدەبێت ؟
د.فەلاح سابر، پسپۆڕی نەشتەرگەریی گورچیلە‌و میز‌و میزەڕۆ، ئاماژە بەوە دەكات، بەردی گورچیلە یەكێكە لەو نەخۆشیانەی توشی گورچیلە دەبێت، بەهۆی نەمانی باڵانس لە نێوان ئەو شتە زیان بەخشەی لە ڕێگەی گورچیلەوە دەردەچێت، لەگەڵ ئەو بڕە ئاوەی لە ناو میزدا هەیە، دەبێتە هۆی دروستبونی سەرەتایەك بۆ كۆبونەوەی كریستاڵ، وردە وردە كۆدەبنەوەو دەبنە هۆی دروستبونی بەرد.
هۆكارەكان
1. كەم ئاو خواردنەوەو زوو توشبون بەهەوكردنی گورچیلەكان.
2. ماندوبونێكی زۆرو ئەزیەتدانی گورچیلەكان.
3. بەكارهێنانی مادەی ژەهراوی ئەوەیش ئەزیەتی ئەو بۆرییە دەزولانەی گورچیلە دەدات‌و وا یلێدەكات خانەكان هەو بكات‌و بمرێت، كە دەبێتە شوێنێك بۆ دروستبونی بەرد.

نیشانەكان
د.فەلاح سابر، دەڵێت" یەكەم نیشانە بۆ بەردی گورچیلە ئازارە، پاشان جوڵانی بەردەكە دەبێتە هۆی روشاندنی ئەو شوێنەو پاشان برینداربون كە ئەمەیش دەبێتە هۆی ئەوەی خوێن لەو شوێنە بێت، پاشان ئازار لەگەڵ میزی خوێناوی رودەدات، هەروەها دڵتێكەڵ هاتن‌و رشاندنەوە، چونكە ئەو فشارەی دەخرێتە سەر كەپسولەكە وای لێدەكات زەخت بخاتە سەر ئەو دەمارانەی كە دەچن بۆ گەدە، ئەزیتی بدات‌و بڕشێتەوە، ئەگەر بەردەكە رێگربێت دەبێتە هۆی مانەوەی میز ئەمەش دەبێتە هۆی هەوكردن‌و نیشتنی بەكتریا لە و شوێنە."
ئەوەشی ووت، هەوكردنی گورچیلە كە تاو لەرزیشی لەگەڵدا دەبێت، روشاندنەكە وادەكات جوڵە بكەوێتە ئەو شوێنەوە نەخۆشەكە خێرا خێرا میز بكات‌و كەمیش دەكات، ئازاری هەبێت لە كاتی میزدا‌و رەنگی میزەكەیش بەرەو تۆخی دەڕوات.

قەبارەی بەردەكان چەندن؟
پسپۆڕەكەی بواری نەشتەرگەریی گورچیلە‌و میز‌و میزەڕۆ، باس لەوەدەكات، بەردی گورچیلە لە دوو ملیم‌و سێ ملیمەوە دەستپێدەكات تا هەموو بۆشایی گورچیلە دەگرێتـەوە، جۆرە بەردێكیش هەیە وەك شاخی بزنە كێوی لێدێت ئەوە هەموو گورچیلە دەگرێتەوە لە 5 سانتیم‌و 6 سانتیم زیاترە دەگاتە 10 سانتیمیش، ئەوە هەموو گورچیلە دەگرێتەوە بێئەوەی ئازاریشی هەبێـت‌و هەستی پێبكات، بەردیش هەیە زۆر بچوكە بەڵام ئازاریشی زۆر زۆرە، ئازارەكە دەكەوێتەوە سەر خێرایی دروستبونی بەردەكە واتە ئەگەر بەردەكە جوڵەی نەبێت‌و شوێنەكە ناڕوشێت واتە هەستی پێناكات‌و ئازاریشی نابێت".

بەردی گورچیلە نەخۆشیەكی بەربڵاوە
وتیشی "ئەوانەی سەردانی نۆرینگەكان دەكەن 50% پەیوەندی بە بەردی گورچیلەوە هەیە، لە بەرئەوە زۆر بڵاوە، ئەوەیش بەهۆی گۆڕینی شێوازی ژیان‌و نەجۆڵان‌و كەمی وەرزش كردن، ئەمەیش وادەكات باڵانسی ئەو مادە ژهراویانە لە رێگەی گورچیلەوە بچێتە دەرەوە تێكبچێت‌و ئاویش كەم بخواتەوە دەبێـتە هۆی دروستبونی كریستاڵ، ئەوكات دەبێتە هۆی دروستبونی بەرد، بەڵام رێژەی توشبون لە پیاواندا زۆرترە وەك لە ژناندا ئەویش بەهۆی فیسلۆجی لە شەوەیە.

چارەسەرەكان چین
ئەو پزیشكە، ئاماژەی بەوەكرد، پێویستە بزانین قەبارەی ئەو بەردە چەندێكە‌و شوێنەكەی‌و جۆرەكەی‌و هەروەها چەندیش كاریگەریی هەیە، ئەوانە دەبێـتە هۆی چۆنێتی مامەڵەكرن لە گەڵی‌و چارەسەركردنی، ئەگەر بەردەكە زۆر بچوك بو، پێویستە نەخۆشەكە زۆرتر ئاو بخواتەوە میز دوانەخات‌و وەرزش بكات وابكات ئەو بەردە لە شوێنی خۆی هەڵبكەنێت لەگەڵ هەندێ دەرمان بۆ ئەوەی هاوكاری بێت بۆ هاتنە خوارەوەی بەردەكە.

خۆپاراستەنەكان
جەختدەكاتەوە، پێویستە باڵانسی خواردن رابگیرێـت، خواردنەكان هەمەجۆرە بێت، ئاو خواردنەوەی زۆر، كەمكردنەوەی هەرسێ جۆرە گۆشتەكە، خواردنی سندی‌و لیمۆ‌و پرتەقاڵ، كەمكردنەوەی خواردنی هێلەكە، هەروەها كەمكرنەوەی خوێ كە گەورەترین هۆیە بۆ دروستبونی بەردی گورچیلە.  

تابان رەزا


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format