بیشڵه‌قێنه‌ و بیهه‌ژێنه‌، ئەوجا پێیان بڵێ چ باسه‌.

بیشڵه‌قێنه‌ و بیهه‌ژێنه‌، ئەوجا پێیان بڵێ چ باسه‌. 

یه‌كێک له‌و پیلانانه‌ی كه‌ ڕۆژئاوا له‌ سه‌ره‌تای سه‌ده‌ی ڕابردوودا بۆ ڕووخاندنی خه‌لافه‌تی ئیسلامی و، ده‌ستپێكردنی كۆمار و حوكوومه‌ته‌كانی سیكۆلار و شیوعی و جۆره‌كانی تری به‌كاری ده‌هێنا؛ پیلانی «ضه‌ججه‌ پاشان قسه‌ و ئاساییكردنه‌وه‌» بوو.

موسڵمانان بەهۆی نه‌بوونی لێکۆڵینەوە و، نه‌خوێندنه‌وه‌ی مێژووی كۆن و نوێ و، شیكاریی بۆ ڕووداوه‌كان، له‌ لوتكه‌یی بێ زانستی دان لەبارەی ئەم دیاردانه‌وە.

بۆیه‌ به‌ كاردانه‌وه‌ و بڕیار و جموجۆڵه‌كانماندا دیاره‌ کە جیلێكی زۆر ناسک و بێ ئه‌زموون و بێ عیبره‌تیشین به‌ ڕابردوو!

بۆیه‌ دوژمنانمان له‌ئێستادا له‌وه‌ ناترسن سه‌رهه‌ڵبده‌ین و ڕاپه‌ڕین! به‌ڵكو به‌ كردار و پیلان و جووڵه‌كانیاندا وا دیاره‌ باش ده‌زانن كه‌ به‌ سووژن و كوته‌كیش، بێهۆشی و مه‌دهۆشی میلله‌تی موسڵمانەکان ناهێتەوە هۆش خۆی. حه‌زناكه‌م وەک ئەو پشیلەیە بین کاتێک لەبەر ئاوێنە خۆی وەک شێر دەهاتە بەرچاو!

به‌ڵێ، ئێستای كوردستان و عێراق و سوریا و لیبیا و یه‌مه‌ن، ڕێک له‌ سه‌د ساڵی ڕابردووی وڵاتانی (جه‌زائیر و تونس و میصر و توركیا) ده‌چێت. ڕووداوه‌كانی، كوشتاره‌كانی، گرانی و بێكاری و بڵاوكردنه‌وه‌ی بیری چه‌وت و دژه‌سوننه‌ت و ئیلحاد و سیكیۆلار و چه‌پ له‌ لایه‌ک،

شه‌هوه‌ت و ئافره‌ت و سه‌ما و شانۆ و كۆمیدیاش له‌ لایه‌كی تر.

نه‌خوێنده‌واری و لاوازكردنی كه‌رتی په‌روه‌رده‌ له‌و لاوه‌ بوه‌ستێ، سانسۆری كه‌رتی ئه‌وقاف و بانگه‌وازی بۆ ئیسلام له‌ لایه‌كی ترەوە. 

دەپرسم، مه‌گه‌ر وانییه‌؟ تۆی موسڵمان ئێستا ئه‌مانه‌ نابینیت؟ بێگومان، به‌ڵێ.

به‌ڵام ئاخۆ تا چه‌ند ده‌زانیت کە پیلانه‌كه‌ دووباره‌یه‌؟

تا چه‌ند ئه‌زموون و عیبره‌ت وه‌رده‌گرین له‌و شوێنانه‌ی كه‌ پێش سه‌د ساڵ ئه‌مانه‌ی تێدا ڕووداوه‌؟ تا هه‌ڵه‌كانی ئه‌وان دووباره‌ نه‌كه‌ینه‌وه‌ و سوود لە کارە ڕاستەکانیشیان ببینین بۆ ده‌ربازبوون له‌م ئه‌زمه‌یه‌.

قوربانیدان بەهۆی بێئه‌زموونییەوە زۆر خراپه‌. نازانم چۆن بتوانم گوومانی باش ببه‌م كه‌ خێر و پاداشتمان بۆ بنووسرێت له‌ بەرامبەر هه‌ڵه‌كردن و هه‌ڵه‌شه‌بوون و ملهوڕی و قسه‌ی بێسه‌مه‌ر و بێئامانج و هه‌ڵوێستی ناته‌ندروست؟! چونكه‌ ئه‌م ئه‌زموونه‌ بۆ برا و خوشكە موسڵمانەکانمان ڕوویداوه‌ و ئێمه‌ پێویسته‌ لێکۆڵینەوەیەکی مێژوویی و چاكسازی بۆ موسڵمانان بكه‌ین و نابێت بێ خوێندنه‌وه‌ له‌خۆمانه‌وه‌ تێ بكه‌وینه‌وه‌!

بزانن! ئه‌و كوڕ و كچانه‌ی ده‌بن به‌ (بێباوەڕ، دژه‌سوننه‌ت، چه‌پ، سیكیۆلار، هه‌وه‌سباز، هاوڕه‌گه‌زباز، بێبه‌هایی و بێئامانجی… هتد)، هه‌مووی نه‌وه‌ی میلله‌تێكه‌ كه‌ کەموکورتی هه‌یه‌ له‌ په‌روه‌رده‌ی (ئیسلامی، ئیمانی، هزریی، مێژووی، هەستیی، كۆمه‌ڵایه‌تی، خێزانی، ڕامیاری، ئابوری… هتد)

بۆیه‌ پێویستە پێش ئه‌وه‌ی شه‌قیان تێهه‌ڵبده‌یت؛ بۆیان بگری.

پێش ئه‌وه‌ی به‌ دوژمنیان بزانیت؛ بە له‌ده‌ستچوو بیانبینه‌.

له‌ جیاتی ئه‌وه‌ی بچیت بە گژیاندا؛ بیریان بخه‌ره‌وه‌ كه‌ له‌ ئێمه‌ن، بەڵام دزراون، دۆڕاون، براون… هتد.

بزانه‌ تا چ ئاستێک پشتیوانی بۆ ڕابوون و هزیاریی موسڵمانان؟ تا چه‌ند لە لایەنی ماددی و مه‌عنه‌ویەوە هاریکاری؟ ئایا به‌شدارییت له‌ هێنانه‌وه‌ی كوڕ و كچه‌كانمان و، ڕزگاركردنیان له‌ خزمه‌تكاریی پیلانی خاچپه‌رستانه‌وه‌ بۆ بوون بە پشتیوانی ئیسلام؟

ئه‌مه‌ به‌هێزترین مه‌وقیفه‌ بۆ موسڵمانان له‌مه‌ڕ ئه‌و ڕووداوانه‌ی کە پیلانی دووباره‌ن و دێنه‌وە پێشمان. 

نووسینی: بیلال جەلال حەدداد


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format