گۆرینەوەی دۆلار بە نیوە قیمەت، ئاگارای ساختە بە..!

گۆرینەوەی دۆلار بە نیوە قیمەت، ئاگارای ساختە بە..!
گۆرینەوەی دۆلار بە نیوە قیمەت، ئاگارای ساختە بە..!

لە تۆڕە كۆمەڵایەتییەكانەوە بانگەشە بۆ گۆڕینەوەی 10 هەزار دۆلار بە پێنج هەزار دۆلار دەكرێ

هەندێک پەیجی عەرەبیی عێراقی، ماوەیەکە لە ناوچەكانی عێراق و لە هەرێمی كوردستانیشدا ڕێکلام بۆ جۆرە دۆلارێک دەکەن کە بە کەمتر لە نیوەی نرخی ڕاستەقینەی خۆی دەفرۆشێ.
بەرپرسی بانکەکانیش هۆشداری دەدات و شارەزایانیش بە فێڵ و هەڵخەڵەتاندن لێکدانەوەی بۆ دەکەن.

لەم چوارچێوەیەدا پەیجێکی تۆڕی کۆمەڵایەتیی (فەیسبووک) کە لەسەری نووسراوە كەربەلا، رێكلامێكی داناوە و بە پارەیەكی زۆر سپۆنسەریشی كردووە بۆ هەموو پارێزگاكانی عێراق بە هەرێمی كوردستانیشەوە،

لەسەری نووسیویەتی” هەر دە هەزار دۆلار (بە زمانی بازاڕ دەفتەرێك دۆلار)، بەرامبەر بە پێنج هەزار دۆلار (پەنجا وەرەقە) دەگۆڕینەوە“.

 

زۆربەی ئەوانەی بە زمانی كوردی و عەرەبی كۆمێنتیان لەسەر ڕێكلامەكە نووسیوە كە لەوە دەچێت بەشێكیان لە بازاڕەكانی ئاڵوگۆڕی دراودا كار بكەن یان شارەزاییان هەبێت،

باس لەوە دەكەن كە ئەم پارانە (دۆلاری لیبی)یان پێ دەگوترێت،

ساڵی ڕابردوو دە هەزار دۆلاری لیبی لە عێراق بە نرخی شەش هەزار دۆلار فرۆشراوە، بەڵام ئێستا له نێوان چوار بۆ پێنج هەزار دۆلار مامەڵەی پێوەدەکرێ.

 

 

گۆرینەوەی دۆلار بە نیوە قیمەت، ئاگارای ساختە بە..!

 

بەپێی زانیارییەكانی ، دۆلاری لیبی وەک دۆلاری ئاسایی مامەڵەی پێوەناکرێ، چونکە پارەی ئەو بەرپرسە باڵایانەی لیبیایە كە لە سەردەمی موعەمەر قەزافی لە بانكەكاندا

كۆیان كردۆتەوە و دواتر لە لایەن وڵاتانەوە پارەكان بلۆك كراون.

 

لەمبارەیەوە شێروان ئەنوەر مستەفا، سەرۆكی هاوبەندیی بانكە ئەهلییەكانی عێراق لە هەرێمی كوردستان راگەیاند: “ئاگاداری ئەو بابەتەین، بەڵام بەهیچ جۆرێک لای ئێمه مامەڵەی پێوە ناکرێ،

چونکە کارەکە نایاساییە و پەیوەندی بەو دۆلارەوە نییه کە له لایەن بانکەکانەوە کڕین و فرۆشتنیان پێوە دەکرێت”.

 

ئاشکراشی کرد: “بانکی ناوەندیی عێراق لە ماوەی ڕابردوودا دژی ئەو مامەڵەکردنە بە دۆلاری لیبی ڕوونکردنەوەی خۆیدا و دووپاتی کردەوە کارەکە نایاساییە”.

 

شێروان ئەنوەر مستەفا، ڕوونیشی کردەوە، ئەوەی خۆی لەو جۆرە مامەڵەیه بدات، سەرپێچی كردووە، چونكە ”مامەڵەکی نایاساییە، گوماناوی و پڕیەتی لە فڕوفێڵ،

بۆیە ئەوەی ئەو مامەڵەیە بکاتو سامانی خۆی دەخاتە بەردەم مەترسییەوە”.

 

لە تۆڕە كۆمەڵایەتییەكانەوە بانگەشە بۆ گۆڕینەوەی 10 هەزار دۆلار بە پێنج هەزار دۆلار دەكرێ

 

ئەوەشی خستە ڕوو: “بانکی ناوەندیی عێراق ئاماژەی بەوەش کردووە هەر لایەنێک یان کۆمپانیایەک بانگەشە بۆ

فرۆشتنی ئەم جۆرە پارەیە لە رێگەی پەرەی فەرمیی خۆی لە تۆڕە کۆمەڵایەتییەکان بکات و هاووڵاتیان هەڵبخەڵەتێنێت

بەوەی دۆلاری ئەمریکی هەیە کە خاوەندارێتییەکەی دەگەڕێتەوە بۆ بانکی ناوەندیی لیبیا، باوەڕپێکراو نییە”.

 

میدیا عێراقیەکان باسیان لە فێڵێكی دیكەی ئەم مامەڵەكارانە كردووە، بە جۆرێك ژمارەی تورکی لە ڕێكلامەكانیاندا

دادەنێن و لەگەڵ کڕیارەکاندا لەسەر ئەوە ڕێک دەکەون كە لە تورکیا پارەکەیان پێ بدەن، بەڵام لەگەڵ بردنی بڕە پارە دانراوەکەدا خۆیان لە کڕیارەکان دەشارنەوە.

لەمبارەیەوە مەنار عوبێدی، شارەزای ئابووریی عێراقی ڕاگەیاند:

“ئەوەی بە ناوی دۆلاری لیبییەوە دەکرێو تەنها فێڵکردن و پارەخواردنە لە خەڵک، ئەوەی ڕێکلامی بۆ دەکرێت تاوانە و دەبێت ئەو کەس و لایەنانە سزا بدرێن”.

 

بە پێچەوانەی ئەم بۆچوونەش، گوتەبێژی بازاڕی دۆلارەكەی سلێمانی رەتی دەكاتەوە ئەو دۆلارەی بە نرخێكی هەرزانتر لە بەهای راستەقینەی خۆی دەفرۆشرێت، دۆلاری لیبی بێت.

 

جەبار گۆران، گوتەبێژی بازاڕی دۆلارەکەی سلێمانی رایگەیاند:

“دەنگۆیەك بڵاوبووەتەوە کە دۆلاری ئەمریکی بلۆککراو لە بانکەکانی لیبیاوە لە کاتی بەهاری عەرەبیدا براونەتەوە دەرەوەی وڵاتەكە و گەیشتووەتە عێراق،

بەڵام ئەوەی کە مامەڵەی پێوەدەکرێت ئەو دۆلارە نییە، بەڵکوو دۆلاری ساختەیە”.

 

جەختیشی کردەوە: “ئەوەی کە لە ئارادایە دۆلاری ساختەکراوە نەک پارەی بلۆککراوی وڵاتان، مامەڵەیەکی تەواو نایاسایی

بەو دراوە ساختەیە دەکرێت و بە نرخی نیوە دەگۆڕدرێتەوە”.

 

ئاشکراشی کرد تاوەکوو ئێستا ئەو جۆرە مامەڵەیە لە هەرێمی کوردستاندا نییە، گوتیشی:

“هەبووە پارەیەکی زۆری عێراقی گۆڕیوەتەوە بۆ دۆلاری ساختە و دواتر زەرەری کردووە، بۆیە داوا لە هاووڵاتیان دەکەین نەکەونە فێڵی لەوجۆرەوە”.

 

 

 

 

 

ته‌كنه‌لۆژیای زانیاری

 


Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format