meko itech1

ئیمارات پلانە 10 بنەماییە 50 ساڵەكەی خۆی خستە روو

حكومەتی ئیمارات 10 بنەمای بۆ بەڕێوەبردنی وڵاتەكەی لە 50 ساڵی داهاتوودا دیاریكرد، خەلیفە بن زاید ئال نهیان سەرۆكی ئیمارات، بڕیاری گرتنەبەری 10 بنەماكەی پەسەندكرد بۆ ئەوەی بخرێنە بواری جێبەجێكردنەوە.

بەپێی بڕیارەكە، هەموو وەزارەت و دەزگا و دامەزراوە حكومییەكانی ئیمارات پابەندی ئەو 10 بنەمایە دەبن و لە بڕیار و كارەكانیاندا پەیڕەویاندەكەن. ئاژانسی هەواڵی ئیمارات “وام” ئەو بنەمایانەی بڵاوكردووەتەوە و بریتین لە:-

بنەمای یەكەم: كاری لەپێشینەی گەورە، بەهێزكردنی ئیمارات دەبێت لەڕووی دامەزراوەكانی یاسادانان و چاكسازی و تەرخانكردنی بودجە و پەرەپێدانی هەموو ناوچەكان لەڕووی بیناسازی و گەشەپێدان و ئابورییەوە.

بنەمای دووەم: لەماوەی داهاتوودا هەوڵەكان چڕتربكرێنەوە لەپێناو بنیاتنانی ئابورییەكی باشتر و ڕەخساندنی باشترین ژینگەی ئابوریی جیهانی لە ئیمارات لە 50 ساڵی داهاتوودا.

بنەمای سێیەم: سیاسەتی دەرەوەی ئیمارات ئامرازێكە بۆ خزمەتكردنی ئامانجە نیشتمانییە باڵاكان و لەسەروویانەوە بەرژەوەندیی ئابوری كە ئامانجی دەستەبەركردنی ژیانێكی باشترە بۆ گەلی ئیمارات.

بنەمای چوارەم: بزوێنەری سەرەكیی گەشەپێدان لە داهاتوودا، سامانی مرۆییە، دەبێت پەرە بە فێركردن بدرێت و بەهرەمەندان لەخۆبگیرێن و پارێزگاری لە پسپۆڕەكان بكرێت.

بنەمای پێنجەم: دراوسێیەتی باش بنەمای سەقامگیرییە، ئەو ناوچە جوگرافی و میلـلی و كولتوورییەی ئیمارات تیایدا دەژی هێڵی بەرگریی یەكەمە و لەڕێگەیەوە ئیمارات پارێزگاری لە ئاسایش و سەلامەتی و ئاییندەی گەشەپێدانی خۆی دەكات، پەرەپێدانی پەیوەندیی سیاسی و ئابوری و میلـلیی سەقامگیر و ئەرێنی لەگەڵ ئەو ناوچەیەدا یەكێكە لە كارە لەپێشینەكانی سیاسەتی دەرەوەی دەوڵەت.

بنەمای شەشەم: پتەوكردنی ناوبانگی جیهانیی دەوڵەتی ئیمارات ئەركێكی نیشتمانییانەی هەموو دامەزراوەكانە، میرنشینەكانی ئیمارات یەك ڕووگەی ئابورین، یەك ڕووگەی گەشتیارین، یەك ڕووگەی پیشەسازین، یەك ڕووگەی وەربەرهێنان و یەك ڕووگەی كولتوورین، پێویستە دامەزراوە نیشتمانییەكانمان هەوڵەكان یەكبخەن و سوودی هاوبەش لە تواناكان وەربگرن و كاربكەن بۆ بنیاتنانی دامەزراوەگەلی كیشوەربڕ لەژێر چەتری دەوڵەتی ئیماراتدا.

بنەمای حەوتەم: سەركەوتنی دیجیتاڵی و تەكنیكی و زانستیی دەوڵەتی ئیمارات، سنوورەكانی گەشەپێدان و ئابورییەكەی دەستنیشاندەكەن، وەك پایتەختی بەهرە و كۆمپانیا و وەبەرهێنانەكان لەو بوارانەدا بەهێزی دەكەن و دەیكەن بە پایتەختی ئاییندەی جیهان.

بنەمای هەشتەم: سیستمی بەهاكان لە دەوڵەتی ئیماراتدا بەردەوامدەبێت لە كرانەوە و لێبوەردەیی و پاراستنی مافەكان و بەهێزكردنی دەوڵەتی دادپەروەری و پاراستنی شكۆی مرۆڤایەتی و كولتوورەكان، هەروەها بەهێزكردنی برایەتیی مرۆڤانە و ڕێزگرتن لە ناسنامەی نیشتمانی. دەوڵەتی ئیمارات لەڕێگەی سیاسەتی دەرەوەیەوە بەردەوامدەبێت لە پشتیوانیكردنی هەموو ئەو دەستپێشخەری و پەیماندان و ڕێكخراوە جیهانییانەی ئاشتیخوازن و خوازیاری كرانەوە و برایەتیی مرۆڤانەن.

بنەمای نۆیەم: هاوكارییە مرۆییە دەرەكییەكانی ئیمارات بەشێكی دانەبڕاوی ڕێباز و پابەندییە ئاكارییەكانمانن دەرهەق بە گەلانی كەمبەخت. هاوكارییە مرۆییە دەرەكییەكانمان هیچ پەیوەندییەكیان بە ئایین و نەژاد و ڕەنگ و كولتوورەوە نییە، جیاوازیی سیاسی لەگەڵ هەر وڵاتێكدا نابێتە پاساوی بەهاناوەنەچوونی لە كارەسات و قەیران و دۆخە نالەبارەكاندا.

بنەمای دەیەم: داخوازی بۆ ئاشتی و ئاشتەوایی و دانوستاندن و گفتوگۆ لەپێناو چارەسەركردنی گشت ناكۆكییەكان، بنەمای سیاسەتی دەرەوەی دەوڵەتی ئیماراتە، هەوڵەكان لەگەڵ هاوبەشە هەرێمییەكان و هاوڕێ جیهانییەكان لەپێناو پتەوكردنی ئاشتی و سەقامگیریی هەرێمی و جیهانی، بزوێنەری سەرەكیی سیاسەتی دەرەوەن.

meko itech1

Like it? Share with your friends!

Comments

كۆمێنت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube and Vimeo Embeds
Audio
Soundcloud or Mixcloud Embeds
Image
Photo or GIF
Gif
GIF format