هه‌ر ئۆتۆمبێلێكی تایبه‌ت كاری ته‌كسی بكات‌ 100 هه‌زار دینار سزا ده‌درێت


1
ئۆتۆمبێلێكی تایبه‌ت كاری ته‌كسی بكات‌ 100 هه‌زار دینار سزا ده‌درێت 1

ئۆتۆمبێلێكی تایبه‌ت كاری ته‌كسی بكات‌ 100 هه‌زار دینار سزا ده‌درێت

به‌ڕێوه‌به‌رایه‌تی گشتیی پۆلیسی هاتوچۆ داوای كرد سزای سه‌رپێچی ئه‌و شوفێرانه‌ی ئۆتۆمبێله‌كانیان تایبه‌ته‌ و كاری ته‌كسی ده‌كه‌ن زیاد بكرێت بۆ 100 هه‌زار دیناری عێراقی.

به‌ڕێوه‌به‌رایه‌تی گشتی پۆلیسی هاتوچۆی عێراق  ڕێنماییه‌كی نوێی ئاراسته‌ی سه‌رجه‌م به‌ڕێوه‌به‌رایه‌تیی پارێزگاكان كرد سه‌باره‌ت به‌ ئه‌و شوفێرانه‌ی ئۆتۆمبێله‌كانیان تایبه‌ته‌ و كاری ته‌كسی ده‌كه‌ن.

به‌گوێره‌ی ڕێنماییه‌كه‌ بۆ له‌مه‌ودوا هه‌ر شوفێرێك ئه‌م سه‌رپێچییه‌ بكات سزای 100 هه‌زار دیناری بۆ تۆمار ده‌كرێت.

ڕێنماییه‌كه‌ له‌لایه‌ن ئه‌نجوومه‌نی وه‌زیرانه‌وه‌ ئاراسته‌ی وه‌زاره‌تی ناوخۆ كراوه‌ و  له‌سه‌رجه‌م به‌ڕێوه‌به‌رایه‌تییه‌كانی هاتوچۆی پارێزگاكان چووه‌ته‌ بواری جێبه‌جێكردنه‌وه‌.

جێی باسه‌ له‌ پارێزگاكانی ناوه‌ڕاست و باشووری عێراق به‌ تایبه‌تیش له‌ شاری به‌غدای پایته‌خت ماوه‌یه‌كی زۆره‌ دیارده‌ی ئه‌و ئۆتۆمبێله‌ تایبه‌تانه‌ی كه‌ كاری ته‌كسی ده‌كه‌ن، به‌شێوه‌یه‌كی زۆر به‌رچاو ده‌كه‌وێت و ئه‌مه‌ش بووه‌ته‌ جێگه‌ی نیگه‌رانی شوفێرانی ته‌كسی.

[zombify_post]


Like it? Share with your friends!

1